ရင်ထဲမှာ. . . . .
ကဗျာတစ်ပုဒ်က
စိမ်းစွတ်စွင့်စို ခဲ့ပေါ့. . . . .
စိမ်းလဲ့ ရေ.....နင်က ငါချစ်တဲ့ ကဗျာ. . .
ဘယ်အရာကမှ
(နင့်လောက်)
လုံလောက်ဖြည့်ဝေနိုင်စွမ်းမရှိလောက်အောင်
နင့်ကိုငါ ချစ်ရဲ့. . . . .
မရည်ရွယ်ပဲ
ရောက်သွားမိတဲ့
အဲဒီ ခရီးလမ်းမှာ
နင်က ငါ့အတွက် အလင်းပန်းတိုင်. . . . .
ငါ့ရင်ခုန်သံတွေကလည်း
နင့်ရှေ့ရောက်တိုင်း
ဖူးပွင့်နေလိုက်တာ....
ဧဒင် တစ်ဥယျဉ်စာ. . . . .
နင့်အပြုံးတွေရဲ့
နွေးထွေးမှုနဲ့
ဆောင်းရာသီအထပ်ထပ်ကို
ရင်ဆိုင်နိုင်စွမ်းပါရဲ့.. .. .. .. ..
ဂျစ်ပစီလို အသက်ရှင်နေခွင့်ကိုတောင်
ကောင်းကင်တစ်လက်ထဲအောက်မှာ
နင်နဲ့ နေခွင့်ရရုံနဲ့
မေ့ဖျောက်လွှင့်ချေနိုင်ခဲ့ပေါ့. . . . .
ဘယ်တော့မှပြောင်းလဲသွားမှာမဟုတ်တဲ့
ရင်ခုန်သံတွေနဲ့ . . . .
နင်က . . . ငါချစ်တဲ့ ကဗျာ
ငါ ချစ်မယ့် ကဗျာ. . . . . .
ကောင်မလေးရေ. . . . .
နင့်ရဲ့နားကိုစွင့်ထားပေးပါလား
အချစ်မှာ. . . . .
ဖွင့်ပြောတာတစ်ခုတော့ လိုမယ်ထင်တယ်. . . . .
No comments:
Post a Comment