(၁)
အမေ. . . .
ကျွန်တော်တို့ ချစ်တဲ့ အမေ . . . ၊၊
(၂)
ကျွန်တော်တို့ ညီအစ်ကို
ဆူးတွေ ထမ်းနေရတယ် အမေ. . .
ကျွန်တော်တို့ ချောင်ကျနေတဲ့မြို့လေးကို
ရောက်နေကြတယ်. . . ၊၊
မြို့သူမြို့သားတွေကတော့
ချောင်ပိတ်နေတဲ့မြို့လို့ ခေါ်ကြတယ်၊၊
စာစောင်တွေ ၊ ဂျာနယ်တွေ ပေါတယ်
ကျွန်တော်တို့ သူတို့ဘာသာကို
လုံးဝ နားမလည်ဘူး...အမေ
ပုံတွေ လျှောက်ကြည့်ရုံ အပြင်းဖြေနေရတယ်၊၊
သတင်းစာပေါတယ်
ဒါပေမယ့်.. အမေ့သားတွေ ပီပီ
နားမလည်တဲ့ သတင်းစာတွေကို
ခေါင်းငြိတ်ပြီး မဖတ်ကြဘူး ...၊၊
ကျွန်တော်တို့မှာ သတင်းမရှိဘူး
အမေ. . . .
နေကောင်းလား . . . . အမေ ၊၊
(၂)
တိမ်တွေသာ အသိုက်ပြောင်းသွားတယ်
ကျွန်တော်တို့ မြေလေးပေါ်မှာ
မိုးတွေ ရွာနေတုန်း. . .
ကျွန်တော်တို့တွေ မိုးမိနေတုန်းပဲ....အမေ
အမေ ပြောခဲ့ဘူးတယ်
ကျွန်တော်တို့ ညီအစ်ကိုက
အမေ့ရဲ့ အလင်းတောင်ပံနှစ်ဘက်ပါပဲလို့. . . .
အခု ကျွန်တော်တို့ မရှိတော့
အမေ ဘယ်မှ မသွားနိုင် ၊ မလာနိုင် ဖြစ်နေရှာရော့မယ်၊၊
ကျွန်တော်တို့လည်း အမေမရှိပဲ
မနေတတ်သေးဘူး၊၊
တစ်နေ့တော့ အမေ ကျွန်တော်တို့ရှေ့ကို
ရောက်လာရမှာပါ ၊၊
ကျွန်တော်တို့ ကြိုးစားနေပါတယ်
အမေ. . . .
အမေ. . . ကျန်းမာနေပါစေ ၊၊
(၄)
ကျွန်တော်တို့ မြို့လေးမှာ
အနီရောင်မြေတွေ ပေါတယ် အမေ. . . ၊၊
ကျွန်တော် မြေနီလမ်းတွေကို မုန်းတတ်တာ
အမေ သိတယ် မဟုတ်လား
အခုတော့ . . .
ကျွန်တော်မမြင်ချင်တဲ့ အနီတလွှမ်းလွှမ်းမြေကို
မြင် မြင် နေရတယ်၊၊
ကျွန်တော်တို့ရှေ့မှာ အမေ မရှိသေးတော့
မလုံခြုံဘူး အမေ . . ၊၊
ပြီးတော့. . . .
ကျွန်တော်တို့ အခန်းလေးကိုလည်း
အမှောင်တွေချထားရတယ်...၊၊
ညတွေ ညတွေမှာ
ကျွန်တော်တို့တတွေ လပြည့်စက်ဝန်းအကြောင်း
တပြောပြောနဲ့ ကိုယ့်ကိုကိုယ် တိတ်တိတ်လေး
အမှောင်ချထားပြီး လုံခြုံနေရတယ် ၊၊
ကဗျာတစ်ပုဒ်ထဲကလိုဆို
*ကိုယ့်ကိုကိုယ် အမှောင်ချထားရတာလောက်
ခါးတာ မရှိဘူး* အမေ. . .၊၊
အမေ. . . .
အမေ့အိမ်လေး....မီးလင်းရဲ့လား အမေ ၊၊
(၅)
ကျွန်တော်တို့တွေ ဂစ်တာမတီးတတ်ကြပေမယ့်
သီချင်းတွေတော့ ဆိုတတ်ကြပါတယ်. . .
ကျွန်တော်တို့တွေ သေသည်အထိ ဆိုသွားမှာလည်း
အမေ့အကြောင်းပါတဲ့ သီချင်းတွေပါပဲ ၊၊
အမေ့ကို ကျွန်တော်တို့မြင်ကွင်းမှာ
မမြင်ရတာ ကြာတော့. . .
ကျွန်တော်တို့ အမေ့ကို လွမ်းတယ် ၊၊
အမေ့ကို ချစ်တဲ့ ပတ်ဝန်းကျင်လူတွေ
အမေ့ကို လာတွေ့ကြရဲ့လား
စောင့်ရှောက်ကြလား အမေ. . .
ကျွန်တော် အခုရောက်နေတဲ့နိုင်ငံလေးက
ကျွန်တော့်သူငယ်ချင်းတွေအားလုံးကတော့
အမေ့ကို တွေ့ချင်နေကြတယ်၊၊
အမေက နာမည်ကြားရုံနဲ့
လူတွေချစ်တတ်ကြတဲ့ ကျွန်တော်တို့ ချစ်တဲ့အမေ . . .
အဖေ မရှိကတည်းက ကျွန်တော်တို့အတွက် သက်သက်
ရှင်သန်နေတဲ့ကျေးဇူးတော်ရှင်. . . .
အမေ. . .
အထီးကျန်နေလား . . . အမေ ၊၊
(၆)
ကျွန်တော်တို့ကို ကံကြမ္မာက
မျက်နှာမလိုက်ဘူး.....အမေ
ကျွန်တော်တို့ စုထားတဲ့ရွှေတွေကို
အတူတူနေနေရတဲ့ လူတွေက
ခိုးသွားကြတယ်...
စကားပုံထဲက အတိုင်း
*အတိတ်မေ့သလို ၊ ရွှေပျောက်သလို *
သူတို့ရဲ့ အတိတ်မေ့သလိုလို မျက်နှာတွေကြားမှာ
ကျွန်တော်တို့ ရွှေပျောက်ခဲ့ရတယ် ၊၊
ကျွန်တော်လေ အဲဒီ အတိတ်မေ့သလိုလို မျက်နှာတွေကို
အရမ်းမုန်းမိတယ် ..... အမေ ၊၊
ကျွန်တော်တို့တွေက
အမေ့သားတွေ ပီပီ ၊ အမေ့ရဲ့ ဆိုဆုံးမမှုကြောင့်
ရန်ပွဲတွေကိုလည်း မုန်းခဲ့ပါတယ် အမေ . . ၊၊
ကျွန်တော်တို့တွေ
နှစ်ဆ အငတ်ခံ ၊ နှစ်ဆ အဆင်းရဲ ခံ
ကြိုးစားကြပါ့မယ်
အမေ . . .
စောင့်နေပါဦး. . . အမေ ၊၊
(၇)
အမေ့ အရိပ်လေးမရှိတော့. . .
နေပူတထောင်းထောင်းအောက်မှာ
လမ်းတွေလျှောက်နေရတယ် . .
သွားချင်တဲ့လမ်းမသွားရ
မသွားချင်တဲ့လမ်းမှာသွားနေရ...
ကျွန်တော်တို့....
ကိုယ့်ခြေထောက်တွေ
ကိုယ်ပြန်မုန်းနေမိတယ်... အမေ
အဖေ ဆောက်ပေးခဲ့ပေမယ့်
အခု... အမေနေခွင့်မရသေးတဲ့
ကျွန်တော်တို့အိမ်လေးကို
လွမ်းတယ်....
ကျွန်တော်တို့နဲ့ အမေ ဝေး......
အမေနဲ့ ကျွန်တော်တို့ ဝေး....
ဘ၀က ကြမ်းနေလိုက်ပုံများ
ကျွန်တော်တို့ကောင်းကင်
အမေ့ကို တိမ်ဖုံးထားခဲ့တယ်။
(၈)
အမေ.....
ကျွန်တော်တို့ မြင်ခွင့်ရဖို့
လင်းလက်နေပါဦး.... အမေ...
+ဇာတိ+
No comments:
Post a Comment