ကျွန်တော်တို့တွေ. . . ဝေး
နိုးကြားခြင်း နဲ့ အိပ်မက်လို
လေတံခွန်လေး နဲ့ မိုးကောင်းကင်လို
ဝေးသွားခဲ့ကြပြီ. . . . .၊၊
မ ရဲ့ မနက်ဖြန်တွေမှာ
အတူတကွ လမ်းလျှောက်ခွင့်
ကျွန်တော်. . . .
ကျွန်တော် ဘာလို့ မရတော့တာလဲ. . . . .
အိပ်မက်ဆိုးက မနိုးဖြစ်သေးတာ ကြာပြီ
မိုးတွေ စိုနေခဲ့တာ ကြာပြီ
တိတ်တိတ်လေး မှောင်နေရတာ ကြာပြီ
ကြာပြီ လို့ပြောနေရတာ ကြာပြီ
အရာရာ ဟာ ကြာခဲ့ပြီးခဲ့ပြီ ပြီးပြီ. . .
အတူတူ နိမ့်ကျခဲ့
အတူတူ မြင့်မြတ်ခဲ့
အတူတူ သိမ်ငယ်ခဲ့
အတူတူ ရဲရင့်ခဲ့
အတူတူပါပဲ . . . ပျောက်ဆုံးခဲ့ပြီ
မနိုင်ချင်ခဲ့ပါဘူး
ပန်းဘာသာ နဲ့ မီးအိမ်လေးက
မှောင်တလှည့် ၊ လင်းတဖန်
အရောင်တွေ မဲ့ရရုံနဲ့ ကျေနပ်ခဲ့တဲ့ကောင်
မ နိုင် ချင် ခဲ့ ပါ ဘူး . . . .မ ရယ်
တမှတ်တရ ရှိဆဲ
ကျွန်တော့် နက္ခတ်တွေမှာ
မ မျက်ဝန်းညိုတွေပျံ့လဲ့
ခုထိ….လွမ်းတယ်
အတူရောက်ဖူးတဲ့ နေရာတွေ မျှော်လိုက်တိုင်း
ကိုယ့်မျှော်လင့်ချက်ပဲ ကိုယ်ပြန်တွေ့
ရင်ဘတ်တစ်ခြမ်း နဲ့ အသက်ရှုနေရသလိုပဲ
မောတယ်. . . . . .
လက်ဝဲထောင့်က သီချင်းတွေသာ
ပိုကျယ်လာခဲ့တယ်. . . .
ပစ်ချက်လွဲအကြည့်တွေမှာတောင် သေခွင့်မရ
အိမ်ပြန်ချိန်တွေကိုတောင် ဝမ်းနည်းခွင့်မရတော့ဘူး ၊၊
မ. . . .
ကျွန်တော့် ရဲ့ နတ်ဘုရားမ
လက်တော်ထဲမှာ
ကျွန်တော့်ကို ထိုးခွင်းတဲ့ ဓားတွ ပွင့်ခဲ့သူ . . . .
မြင်းရိုင်းခွာသံတွေအောက်က နှင်းဆီရနံ့တွေလို
တခြိမ့်ချုန်းချုန်းနဲ့
ရဲရဲနီစွင့်အောင်
ကျွန်တော် နင်းခြေခံခဲ့ရတယ်. . . .
နွေရာသီလေးမှာ ဖြာနွေးခဲ့
မိုးရာသီးလေးမှာ သွန်းစိုခဲ့
ဆောင်းရာသီလေးမှာ အေးငွေ့ခဲ့
အဲဒီ အင်နဲ့အားနဲ့ ဒိုင်ယာရီလေးမှာ ပန်းပွင့်တွေကြွေ. . .
ဘယ်ပန်းတွေရဲ့ ပွင့်ချက်တွေကများ ရိုင်းခဲ့လို့လဲ
တစ်ဘဝစာ ပွင့်ပြီးမှ
ဟုန်းဟုန်းမြေ့မြေ့ ကြွေပေးခဲ့ရတာ
လှိုက်လှိုက်နင့်နင့်ကို ခါးတယ် ၊၊
ဆောင်းဥတုလေးကို နွေနဲ့ချုပ်ဖို့ကြိုးစားရင်း
အရည်တဆစ်ဆစ် ဖျော့လျအောင်
ကြွေခဲ့ရတဲ့ နှင်းက
ကျွန်တော်ပေါ့ . . . .၊၊
အနာဂတ်မှာ ပန်းတွေမပွင့်ကြေးဆိုတဲ့ ကျိန်စာတွေက
သားကောင်ငယ်ရဲ့ အသည်းကွဲရာသီဥတုမှာ
စနစ်တကျ ၊ ပုံသေတကျ နဲ့
မားမားမတ်မတ် ကို လွမ်းခြုံထားခဲ့တယ် ၊၊
ဥယျာဉ်ပျက်ထဲက ပြဇာတ်ရုံ
(လှည်းတန်း ကားမှတ်တိုင်လေးကို သွန်းမိတဲ့ နာမလေး)
အလွမ်းနာ ဇာတ်နာ တွေကိုပဲ
မျက်လုံးတွေ မမှိတ်နိုင်သေးဘူး ၊၊
ဘယ်လို နက္ခတ်အနီမှာများ
ရပ် စောင့် နေ မိ ပါ သ လဲ
ကြယ်ကြွေတွေရဲ့ ပွတ်တိုက်မှုမှာ
ရင်ဘတ်ထဲ မီးတွေတောင် ချုန်းချုန်းသည်းခဲ့ပေါ့. . . ၊၊
မ ရဲ့ ကောင်းကင်ကြီး
ရွှေအိုရောင်တွေ ပြန်ဝတ်တဲ့တစ်နေ့
ကျွန်တော့်ကို . . .
သတိရ ကြည့်ပါ .. မ ရယ်
ကျွန်တော့်ကို မစောင့်ပေးခဲ့သူ. . .
ကျွန်တော့်ကို ချန်ရစ်ခဲ့သူ
မမ ရဲ့ အမဲလိုက်ရာသီတွေထဲမှာ
ကျွန် တော် . . . ကျန် ရစ် ခဲ့
ကျွန်တော် ငုံ့ထားတဲ့ ခေါင်းထဲမှာပဲ
မ ရဲ့ ခြေသံတွေ ဖြတ်လျှောက်သွားဆဲ
ကျွန်တော်. . . ကျန်ရစ်ခဲ့
မ မ ရဲ့ အ မဲ လိုက် ရာ သီ တွေ ထဲ မှာ
အလွမ်းတို့ နဲ့ နှစ်ကူးတဲ့
အသည်းကွဲ ပွဲတော်နေ့
မနေ့ကလိုပဲ. . . အခုထိ
အ ခု ထိ . . . လွမ်း တယ် . . . . . . . . . . . . . .
No comments:
Post a Comment