ကျုပ်ရှေ့မှာ ဖြတ်ပြီးလျှောက်နေတဲ့
အဲဒီ….လူတစ်စု ကို
မမြင်ချင်ပဲ မြင်နေရတဲ့ ကျုပ်က
မျက်မမြင်တွေ ဘဝကို အားကျတဲ့ လူ . . . .
ကျုပ်နားမှာ ကောင်းကင်ကို ခိုနေတဲ့လူတွေ. . .
ကျုပ်နားမှာ မြေပြင်နဲ့ ပိမြုပ်နေတဲ့ လူတွေ . . .
ကျုပ်နားက ကျွန်တော်ကတော့
ငါတွေနားမှာ ပုန်းကွယ်နေရတယ် . . ၊၊
ရော့ခ်အင်ရိုး တစ်ခေတ်လုံးကနေ . . .
ဆံပင် အရောင်ဆိုးတဲ့ ခေတ် ၊ ဆံပင်ဖြောင့် တဲ့ ခေတ် အထိ
ကျုပ်က သာ မပြောင်းမလဲ
စိတ်အချဉ်ပေါက်မှုတွေနဲ့သာ မူးယစ်နေခဲ့ကြရ. . . .
ဥသြတွေရဲ့ နွေတစ်ချပ် . . .
ထီးပွင့်တွေရဲ့ မိုးတစ်အုပ် . . .
အနွေးထည်တွေရဲ့ ဆောင်းတစ်ဆုပ်. . .
ကျုပ်ရဲ့ မျှော်လင့်တကြီး မျက်လုံးတွေကို မမြင်ကြဘူး ၊၊
ကျုပ်ရဲ့ လမ်းကြိုလမ်းကြား လူတန်းစား
ဇိမ်ခံမှုလေးမှာ . . .
လျှပ်စစ်မီးပျက်နေတဲ့ ဓာတ်ဆီ ရနံ့တွေကြောင့်
လက်ဖက်ရည်ဆိုင်တွေမှာ မန်ယူပွဲမလာဘူး ၊၊
ကျုပ်က လွယ်အိတ်အပေါက်လေးနဲ့
ကဗျာဆရာ သိပ်ဖြစ်ချင်တဲ့ကောင်. . .
စကားလုံး ရှားပါးမှုတွေကြားမှာ
ဒီလိုပဲ…ဘေးထွက်ထိုင်နေရတာပါပဲ
ဒီလိုနဲ့ပဲ. . .
ကျုပ်က ဒီလူတွေကို မေ့ချင်သလိုမျိုး
ဒီလူတွေက ကျုပ်တို့ကို မေ့ထားသလိုမျိုး
ကျုပ် ကို လည်း ခင် ဗျား တို့ မေ့ သွား ပါ လိမ့် မယ်
အခုလည်း . . .
လွတ်တဲ့ ငါးကြီးတွေကို မျှားဖို့
ဒီလူတွေ မြို့ပြောင်းပြီး
နဂါး ဖမ်း ထွက်သွားကြတယ်လေ….၊၊
No comments:
Post a Comment