၂၁ ရက်နေ့ တစ်ရက်၏ နေ့ရေးအကျဉ်း တစ်ခုသာ ဖြစ်ပါသည် ၊၊

၂၁ ရက်နေ့ တစ်ရက်၏ နေ့ရေးအကျဉ်း တစ်ခုသာ ဖြစ်ပါသည် ၊၊

ထို မြင်ကွင်းကို မြင်မြင်ချင်း ခေါင်းငုံ့မိလိုက်ခြင်းဖြစ်သည် ၊၊ ထောင့်မှန်စတုဂံ ပုံ ပန်းသီးတစ်လုံး ကြွေကျ လာသည်ကို (ထိုသူမ) မြင်လိုက်သည် ဟူ၍ ကျွန်တော် မြင်လိုက်သည် ၊၊ ပန်းသီးသည် မည်သည့် အရောင်မှ မပါဝင်ပဲ အကြည်ရောင်ကြီး ဖြစ်နေသော်လည်း ထိုပန်းသီးကို (ထိုသူမ) က ပန်းသီးဟူ၍ မြင်သည်ကို ကျွန်တော် လက်ခံသည်ကိုလဲ (ထိုသူမ) က မြင်သည် ၊၊ ထိုတွင် (ထိုသူမ) က ပြုံးသောအခါ ထို ပန်းသီးသည် နီနီရဲရဲ အော်မြည်၍ ‘ဖောင်း’ ခနဲ ပေါက်သွားသည် ၊၊ ကျွန်တော် သည် အင်္ကျီအနီနှင့် ဖြစ်၍ ၊ ထိုသူမ သည် အင်္ကျီအနီနှင့် ဖြစ်၍ ကျွန်တော်တို့ နှစ်ဦးလုံး (၁၂) နာရီ အတိ ဖြစ်ပါသည် ၊၊
‘ကမ္ဘာက ….
မမ ရဲ့ လက်သည်းခွံကလေးလောက်ပဲ
ကျယ်ပြန့်တာပါလို့ ပြောရင်
အားလုံးနဲ့ လဲပြီး . . . . . ယုံတယ် ၊၊ ၊၊’
ထို မြင်ကွင်းကို မြင်မြင်ချင်း ခေါင်းငုံ့မိလိုက်ခြင်းဖြစ်သည် ၊၊ ကမ္ဘာမြေအား ကျွန်တော် အသိပေးထား သော ချောကလက်ပန်းတစ်ပွင့် ရှိသည် ၊၊ မမ ဟူသော ထိုသူမ ရှိသည် ၊၊ မမ ၏ လက်ဖဝါးများနှင့် ညို့ယူ ပြောင်းလဲ ထားသော မိုးပြာရောင် မြက်ခင်းများ ရှိသည် ၊၊ သက်တန့်ဆီသို့ ပစ်ပေါက်ခဲ့သော သကြားလုံး အခွံများ ရှိသည် ၊၊ ချောကလက်တောင့်ဖြင့် ရေးဆွဲထားသော ပန်းချီကားတစ်ချပ် ရှိသည် ၊၊ ကျွန်တော် ၏ အသက် သွေးကြော များဖြင့် ပြုလုပ်ထားသော မမ ၏ လက်ဗွေရာ ပုံတူ တစ်ခုရှိသည် ၊၊ ကျွန်တော်သည် ပန်းသီးကနေ ဆင်းသက်လာသော လူတစ်ယောက်ဖြစ်ပြီး မမ ရဲ့ လက်သည်းကြားတွင် ညပ်နေသော ပန်းသီးတစ်လုံးမှာ ကျွန်တော် ဖြစ်သည် ၊၊
‘မမ ရှေ့မှာ အသံမထွက်ရဲခဲ့တဲ့
စက္ကူဖြူဖြူလေးတွေ ...
မီးရှို့လိုက်တယ်
မမ အတွက် သီချင်းဖြစ်ပါစေ’
ထို မြင်ကွင်းကို မြင်မြင်ချင်း ခေါင်းငုံ့မိလိုက်ခြင်းဖြစ်သည် ၊၊ မမ ရဲ့ ဖုန်းနံပါတ်တွေဟာ သစ္စာမရှိဘူး ၊၊ ရေခိုးရေငွေ့ သက်သက်နဲ့ ငြိမ်းသွားတဲ့ အခွံကျွတ်မီးတောက်လေးလဲ သေပြီ ၊၊ လေယာဉ်ပျံဟာ ပဒိုင်းသီးတွေနဲ့ ဆောက်ထားတာ … ၊၊ တံခါးနဲ့ ပြုလုပ်ထားတဲ့ ဝင်ပေါက်တွေ နဲ့ လေဟာနယ်နဲ့ ပြုလုပ်ထားတဲ့ ဝင်ပေါက်တွေ … ၊၊ တနင်္ဂနွေနေ့တွေဟာ လူစင်စစ်ဖြစ်သွား … ၊၊ လူစင်စစ် က ဖုန်းနံပါတ် ဖြစ်သွား … ၊၊ ပန်းချီကားလေးတစ်ချပ် ထံတွင် မည်သို့မှ မပြောင်းလဲသော ရာသီဥတု တစ်ခုရှိသည် ၊၊ ‘အင်္ကျီအနီရောင်လေးနဲ့ ပြောချင်လို့ပါ … ၊ အင်္ကျီအနီရောင်လေးနဲ့ ပြောချင်လို့ပါ …’ ၊၊ ပေါင်မုန့်မီးကင်တစ်ချပ်ပေါ်မှာ ကမ္ဘာတစ်ဖက်ကို ရောက်သွားတဲ့ လက်သည်းခွံလေးတစ်ဖက်ကို တွေ့တယ် ၊၊ မမ ရဲ့ ဖုန်းနံပါတ်တွေဟာ သစ္စာမရှိဘူး ၊၊
‘တံခါးတွေလဲ ပွင့်နေခဲ့
ပန်းတွေလဲ ပွင့်နေခဲ့
မမ .. ဘာကြောင့်များ
ကျွန်တော့် လိပ်ပြာလေးမှ ခူးသွားခဲ့တာလဲ…၊၊ ၊၊’
ထို မြင်ကွင်းကို မြင်မြင်ချင်း ခေါင်းငုံ့မိလိုက်ခြင်းဖြစ်သည် ၊၊ မမ ရှေ့က လှေကားထစ်တွေမှာ ရွှေရောင် တောင်ပံတွေနဲ့ … ၊၊ မမကတော့ ကျွန်တော်ဟာ ကြက်ခြေခတ်တွေကနေ ဆင်းသက်လာတာပါလို့ ပြောတယ်၊၊ ကြက်ခြေခတ်ပုံပန်းသီးတစ်လုံး မမ ရဲ့ လက်ထဲက ပြုတ်ကျသွား .. ၊၊ အဲ့ဒီ ပန်းသီးလေး အစိပ်စိပ်အမွှာမွှာ ဖြစ်သွားတော့ အမှားတွေ တပြန့်တကျဲနဲ့ .. ၊၊ ကံကြမ္မာက ပဒိုင်းသီးတွေကို အတောင်ပံ တပ်ပေးတော့မယ် ၊၊ မမ ရဲ့ မျက်လုံးလေးတွေလောက်တော့ ကျွန်တော် နဲ့ နေ ခဲ့ ပေး ပါ လား .. မမ ရယ် ၊၊ ကမ္ဘာတစ်ခြမ်းဟာ စိုစွတ်နေပြီး ကမ္ဘာတစ်ခြမ်းဟာ ခြောက်ကပ်နေတော့မယ် ၊၊ ဒါမှ မဟုတ် .. ကမ္ဘာနှစ်ခြမ်းလုံး ခြောက်ကပ်နေ တော့မယ် ထင်မိပါရဲ့ ၊၊ မမ ကိုယ်တိုင် မှာ ရွှေ ရောင် တောင် ပံ တွေ နဲ့ …. ၊၊
‘ ကျွန်တော်က စည်းမဲ့ကမ်းမဲ့ ပွင့်တဲ့ ‘ငရဲပန်း’ လေ
ဒါပေမယ့် .. မမ မသိပဲ
အနံ့နဲ့တောင် မပစ်မှားခဲ့ပါဘူး
ဆံညို ဖွဖွလေး တို့ ရယ် .. ၊၊ ၊၊’
ထို မြင်ကွင်းကို မြင်မြင်ချင်း ခေါင်းငုံ့မိလိုက်ခြင်းဖြစ်သည် ၊၊ အချိန်တွေ အကြာကြီးဝေးသွားခဲ့ရင် အရာရာ ဟာ နဂိုအတိုင်း စိုထိုင်းလာတာပါပဲ လို့ ထင်မိပါတယ် ၊၊ မိုးပေါ်က လူကူးမျဉ်းကြားတွေ ပြုတ်ကျ လာ ၊၊
မှတ်တိုင်အနီတွေ … နောက် … မီးပွိုင့်အနီတွေ .. ၊၊ ချောကလက်ပန်းပွင့်လေးဟာ လှပနေသေးကြောင်း ကမ္ဘာမြေ က ကျွန်တော့်ကို ပြန်လည်အသိပေးတော့ အချိန်တွေက နောက်မကျပဲ ကျွန်တော်က နောက်ကျနေပြီ၊၊ မမ ဟာ လေပြေအသစ်နဲ့ ပွင့်နေတဲ့ ချောကလက်ပန်းလေး .. မမဟာ ၊၊ မမ ဆီမှာ အင်္ကျီအနီရောင်လေး နောက်ထပ် တစ်ထည်နဲ့ .. မမ ဆီမှာ .. မမ ဆီမှာ .. ၊၊
‘ မမ ရယ်နေပါ ၊၊
ကျွန်တော် မငိုရအောင်
မမ က ရယ်နေပါ ၊၊ ၊၊’
အရာရာကို အသစ်က ပြန်စခိုင်းမယ်ဆိုရင်တောင် ကျွန်တော် ဟာ အဟောင်းအတိုင်းပဲ ကျန်နေခဲ့မှာပါ ၊၊
ကျွန်တော်သည် အလွမ်းကို
နှစ်ချို့အောင် သိမ်းထားသော
နှလုံးသား အခွံလွတ်တစ်ခု
ဖြစ်ပါသည် ၊၊ ၊၊

အထီးကျန်

(၂၄) က ငါ့စိတ်ကို
ပွတ်သပ် ဆော့ကစားပြီ .. .. ...
တစ်ဝက်ကိုတော့
တွေ့ကရာ လွင့်ပစ်ခဲ့ရပြီး
တစ်ဝက်ကတော့
ပုပ်အက်လာဖို့ကို
စောင့်ဆိုင်းနေရ ...
အသက် (၂၄) မှာ ..... ၊၊ ၊၊

အသက်ကတော့ ကြီးလာတယ်
အသည်း က ငယ် ၊ ငယ်နေတုန်းပဲ
လမ်းကြုံရင် ငါ့ကို
`ကဗျာဆရာ´ လို့ ခေါ်ပါ ၊၊
ငါ က
ခလုပ် ခဏ ခဏ တိုက်တတ်တဲ့
ကျောက်တုံးကြီး တစ်တုံးပေါ့
စိတ်တူ ကိုယ်တူရှိလာမယ့်
ဖြူဖြူစင်စင် ကျောက်တုံးလေးတွေ့ရင်
ငါ .... မီး ကို စတင် တွေ့ရှိခွင့်
ရပြီ ၊၊ ၊၊

(ဇာတိ)

(၃၁) ဘုံအတွင်းရှိ (၁၃) သို့

တစ်ယောက်ရဲ့
အရေပြား ကို တစ်ယောက်က
ချည်နှောင်ကြရင်း
( အရေပြား တစ်ခြား ၊ လူ တစ်ခြား )
အရေပြားတွေ ကျွတ်ကျကုန်တတ်တာလဲ
သိခဲ့တယ် .. .. .. ၊၊
နှုတ်ခမ်းတွေက အန်နေကြတာ
တရားနဲ့ ဖြေမှ ရမယ့်
မေးခွန်းတွေမှန်းလဲ သိတယ် .. .. .. ၊၊ ၊၊

လွမ်း လို့
သေ သွား ခဲ့ ရင် တောင်
ပျော် မှာ ပဲ တဲ့
အဲ့ဒီ .. .. .. ..
ရေခဲတုံးလေး
ကန္တာရ ဆီ ခရီးထွက်သွားခဲ့တယ် ၊၊ ၊၊

(ဇာတိ)


Tieing a knot to each other's skin
whilst losing things
need to be more inspirational
to get the meanings

says.............
it's even worth to die
being missing you
then....................
the icey little
been journey to the desert

( Translate By [Cay] )