လေထဲဆောက်တဲ့ နန်းတော်

ငါ့ကို သေဒဏ်ပေးပါ …..

( ပြီးတော့ .. )

ငါ့ ကို အ မျှ ဝေ ပေး ပါ ကွယ် ၊၊၊ ၊၊



ဘူတာရုံလည်း ကျန်ခဲ့ပြီ

ရထားလည်း ကျန်ခဲ့ပြီ

ဇာတ်ဝင်ခန်း အရတော့

ငါက ရေထဲ ပန်းချီရေးခဲ့သူ

ပင်လယ်ဟာလည်း ကျန်နေခဲ့ပါပြီ ၊၊



ငါနဲ့ လိုက်ခဲ့သူမရှိ

ငါနဲ့ နေခဲ့သူလည်းမရှိ

ငါ့ နှုတ်ခမ်းတွေကိုငါ

တိတ်တိတ်လေး သတ်သေလိုက်ရတယ်

ငါ့ ကို အ မျှ ဝေ ပေး ကြ ပါ ကွယ် ၊၊



ငါ့ ကို ရွံ ပစ် လိုက် စမ်း ပါ

……… ရယ်

ငါ က မိုးရွာတဲ့နောက်ကိုလိုက်နေတဲ့

ကံဆိုးချင်သူ တစ်ကောင်

( မဟုတ်ဘူး )

ကိုယ့်ကိုကိုယ်ထိုင်ကြည့်နေတဲ့

အောက်တန်းစား တစ်ကောင် ပါ ၊၊



ရာသီဥတုတစ်ခုလုံးကို လှုပ်ခါချတာတောင်

နွေရာသီပဲ ကြွေ ကြွေ ကျလာတယ်

ငါ့မှာ အိမ်ပြန်ချိန်မရှိပါဘူး

ငါ့မှာ တံခါးတစ်ချပ်မရှိပါဘူး

ငါ့မှာ သော့တစ်ချောင်းမရှိပါဘူး

ငါ့မှာ ……..

ငါ့မှာ ဘာမှမရှိပါဘူး ၊၊



မထင်ပါဘူး

ငါက ရေထဲ ပန်းချီရေးခဲ့သူလေ

မ ထင် ပါ ဘူး ကွယ်

ဘယ်တော့မှ ပြီးဆုံးရလိမ့်မယ်လို့ .. ၊၊



မထင်ဘူးဆိုမှပဲ

လမ်းကလဲဆုံးသွားပါတော့တယ်

ငါ့ခြေထောက်တွေ ရှိနေသရွေ့လေးတော့

( ငါ ရဲရင့်ရပါဦးမယ် )



ငါ နင့်ကို …….

…… နင့် .. ကို ….

( ဒါလဲ မဟုတ်ပြန်ပါဘူးကွယ် )

ငါက ငါနှုတ်ခမ်းတွေကို

သတ်သေလိုက်ရပြီပဲ …၊၊



ဟုတ်တယ်….

ငါက … ငါ့ကိုယ်ငါ

သံမဏိကြိုးလို့ ထင်သွားတဲ့

ပင့်ကူအိမ်လေးပါ

ငါ့ ကိုယ် ငါ ရစ် ပတ် မိ ရင်း ပဲ

လေထဲက နန်းတော်လေးဟာ…..

ပျက်-လွင့်-ပြို-မွ

……………………………

ငါ့ ကို သေ ဒဏ် ပေး ပါ

( ပြီး ……. တော့ )

ငါ့ကို အမျှဝေပေးပါကွယ် ၊၊ ၊၊



( ဇာတိ )